Kandidati i koalicionit VLEN për kryetar të Komunës së Sarajit, Muhamet Elmazi, ka bërë thirrje për pjesëmarrje masovike në hapjen e shtabit qendror të VLEN-it në këtë komunë.
Hapja do të mbahet sot, më 29 gusht, në ora 20:30, në sheshin “Isa Boletini” në Saraj.
“Elmazi thekson se ky është momenti i bashkimit, i vizionit të ri dhe i vendimit për ndryshim, ndërsa u bën thirrje qytetarëve të jenë pjesë e këtij organizimi dhe të japin së bashku mesazhin e fuqishëm për Sarajin që duan”, thuhet në njoftim.
Me moton “Ndryshimi VLEN – dhe nis nga Saraji”, Elmazi synon të forcojë mobilizimin e qytetarëve për zgjedhjet lokale që po afrohen.
