Minnesota Timberwolves ka marrë fitoren e dytë në serinë gjysmëfinale të Konferencës Perëndimore në Play-Off të NBA.
Timberwolves realizuan fitore të thellë ndaj Denver Nuggets me 26 pikë diferencë 106:80.
Përveç çerekut të tretë që Denveri e fitoi me katër pikë avantazh, në pjesët tjera fjalën kryesore e thanë basketbollistët e Minnesotas.
Fitoren ata e siguruan që në pjesën e parë, me një çerek të dytë fantastik.
Anthony Edwards dhe Karl-Anthony Towns shënuan secili nga 27 pikë për t’i dhënë fitoren e dytë dhe epërsinë e madhe 2-0 skuadrës së tyre.
Në anën tjetër, pikëshënuesi më i mirë ishte Aaron Gordon me 20 pikë, teksa u ndihmua edhe nga Nikola Jokic me double-double 16 pikë e 16 kërcime.
Dy ndeshjet e ardhshme luhen në Minneapolis dhe Minesota do të ketë shansin për të kryer këtë seri nëse i fiton dy takimet e radhës dhe do ta prek finalen e Konferencës së Perëndimit.
Po ashtu u zhvillua edhe një përballje tjetër. New York Knicks e nisi me fitore raundin e dytë të Konferencës Lindore.
New York fitoi përballë Indiana Pacers me rezultatin 121:117, në ndeshjen e parë.
Indiana ishte ekip më i mirë në pjesën e parë, duke shkuar në pushim me epërsi gjashtë pikëshe.
Çereku i tretë për një pikë i takoi Knicks, të cilët fiton e siguruar në periudhën e fundit.
New York u drejtua drejt fitores nga ylli i tyre Jalen Brunson me plot 43 pikë, ndërsa në krahun tjetër u dallua Myles Turner me 23 pikë./Gazeta Express/
