Ministri Durmishi: I jepet leja e punës kompanisë Kiel Maqedoni, 300 vende të reja të punës për rajonin e Pollogut

Ministri i Ekonomisë, Besar Durmishi ka njoftuar se sot i është dhënë leja për punë kompanisë Kiel, e cila gjendet në rajonin e Tetovës, ndërsa do të hapen 300 vende të reja të punës.
“I lumtur që sot bashkërisht me kryetarin, Bilall Kasami, drejtorë institucionesh t’i dorëzojmë lejen për punë kompanisë Kiel Maqedoni. Përmes lejes të cilën ne sot e dorëzuam, kompania Kiel Maqedoni fillon me punë në fabrikën e re e cila gjendet në zonën e Tetovës. Kjo kompani është prodhuesi kryesor i sediljeve për tren dhe autobusë.
Në uzinën e re prodhuese në Tetovë, e cila shtrihet në sipërfaqe prej 7500 metrash katrorë, është planifikuar hapja e 300 vende të reja të punës nga rajoni i Pollogut. Për momentin kjo uzinë prodhuese do të fillojë me 40 punëtorë dhe sipas menaxhmentit pritet të arrijë në 300 punëtorë. 🥳Kjo do të thotë 300 vende të reja pune për banorët e rajonit të Pollogut.
Po mundohemi në vazhdimësi të përmirësojmë jetën dhe standardin e qytetarëve. Ky është vizioni ynë të cilin ne vetëm se po e praktikojmë në terren. Dua të përgëzoj menaxhmentin e Kiel Maqedonisë që për një kohë të shkurtër investuan dhe ndërtuan një fabrikë të re në Tetovë e cila do të sjellë teknologji të reja, vende të reja të punës dhe sigurisht fluks valutor në vend”, ka shkruar Durmishi. /3shi.net