Ministri i Shëndetësisë, Azir Aliu thotë se rasti konfirmon nevojën për të forcuar burimet njerëzore në spital, por pa thënë konkretisht se kur dhe çfarë do të bëhet për të parandaluar incidente të tilla.
“Atje nevojiten investime si në aspektin e infrastrukturës, por edhe në aspektin e forcimit të kapaciteteve njerëzore atje. Fatkeqësisht, kjo ngjarje do ta përshpejtojë procesin, por duhet të mësojmë dhe unë jam që ministria të parandalojë, jo të veprojë pas rasteve të tilla. Le të jetë ky një mësim tjetër se investimet në kujdesin shëndetësor janë të nevojshme që proceset të jenë të qëndrueshme dhe shërbimet të ofrohen në kohë reale. Fatkeqësisht, kjo ndodhi këtu, procedura është duke vazhduar”, tha Azir Aliu, Ministër i Shëndetësisë
Vetë Ministri Aliu vizitoi spitalin një muaj e gjysmë më parë, ku vetë u zhgënjye me kushtet në të cilat trajtohen pacientët, por edhe në të cilat punon stafi mjekësor, pas së cilës shkroi në rrjetet sociale se nevojitet një reagim urgjent sistemik.
Spitali i Bardovcit është përballur me një sërë sfidash për një kohë të gjatë, sistemike, infrastrukturore, organizative, por edhe kadrovike……
Pas incidentit, spitali njoftoi vetëm shkurtimisht se pacienti 35-vjeçar tani është nën mbikëqyrjen e policisë me urdhër të prokurorit kompetent dhe se në interes të hetimit nuk mund të ndajnë më shumë informacion.
