Për momentin Qeveria ka shumicë stabile dhe tashmë ka numër të njejtë të deputetëve edhe pas largimit të Taravarit. Edhe në pjesën shqiptare ka legjitimitet dhe numër të njejtë, edhe pa Taravarin kemi 13-14 deputetë, deklaroi paradite zëvendëskryeminsitri i parë, Izet Mexhiti dhe kumtoi se po negociohet me deputetë të Frontit evropian “të cilët janë opozitë dhe ndoshta do të kalojnë nga ana tjetër”.
Në pyetjen e gazetarëve nëse ata do të veprojnë si pjesë e grupit të deputetëve të Vlen-it, Mexhiti u përjgigj se një pjesë janë nga shumica dhe nga Fronti evropian dhe tha, “do të jenë mbështetje për Qeverinë”.
Kumtoi se këto ditë janë “në negociata për disa opsione politike” për resorin e Shëndetësisë pas largimit të Arben Taravarit “dhe në bazë të asaj” do të japin propozim të ri për ministër.
Në pyetjen nëse për opsionet do të bisedohet vetëm në kuadër të Vlen-it apo me kryeministrin Hristian Mickoski, Mexhiti u përgjigj – “mendoj edhe për individë të tjerë, grupe, subjekte politike të cilët janë jashtë Vlen-it – në kaudër të Frontit evropian, të cilët janë opozitë dhe nodshta do të kalojnë nga ana tjetër”.
Nuk saktësoi nëse kjo do të thotë se po negociojnë me Ziadin Selën, lider i krahut të Aleancës për shqiptarët e cila është pjesë e Frontit evropian të kryesuar nga BDI.
“Negociojmë me disa dhe do t’ju njoftojmë kur do të ketë rezultate konkrete, sigurisht javën e ardhshme”, deklaroi mexhiti duke u përgjigjur në pyetje të deputetëve pas hapjes së konferencës “Avancimi i infrastrukturës së gjelbër në Ballkanin Perëndimor”.
Në pyetjen nëse Qeveria ka legjitimitet tek shqiptarët pas daljes së Arben Taravarit, u përjgigj se Vlen-i thirret në “fitoren absolute të 107 mijë votave”.
“Dhe asnjëri nga faktorët brenda Vlen-it nuk mund të thotë se i ka ato 107 vota në xhep. Sepse ka vota edhe të kahëzuara drejt opozitës të cilët dolën të votojnë për ndryshim dhe shpresë. Kaloi në anën tjetër Taravari, por jo edhe i tërë subjekti politik. Këto ditë e shihni se ka tensione, ka mendime të ndryshme, tërhiqen anëtarë të shquar të Aleancës për shqiptarët dhe mendoj se shumica e anëtarësisë së Aleancës për shqiptarët do të mbeten në Vlen sepse ata kontribuuan për fitore dhe për këto ndryshime dhe nuk do të lejojnë për shkak të interesave personale të kthehen tek Bashkimi Demokratik për Integrim”, theksoi Mexhiti.
Për atë nëse zëvendëskryeminsitri për sundim të mirë, Arben Fetai, kuadër i partisë së Taravarit, do të mbetet në funksion, duke pasur parasysh se akoma nuk ka paralajmëruar dorëheqje, Mexhiti u përgjigj se “po e kryen mirë punën, po kontribuon me sukses për ndeyshimet dhe shpresoj se do të vazhdojë”.
