Në fjalën e tij para të pranishmive në përvjetorin e parë të LD-së, kreu i kësaj partie, izet Mexhiti foli mes tjerash edhe për bashkimin e opozitës shqiptare që rezultoi me fitore në zgjedhjet parlamentare të majit 2024.
“Para një viti, bashkimi i opozitës dukej iluzion. Makineria partiake që për 20 vite kishte nën kontroll çdo mekanizëm të pushtetit, sidomos mekanizmat korruptiv, me mjeshtrinë e maksimës bizantine përçaj e sundo, pengonte secilin tentim për bashkimin e opozitës dhe i përdorte subjektet opozitare për t’ia siguruar vetes pozicionet e pushtetit sa herë që kishte nevojë. Kështu për 20 vite nga secila parti opozitare prodhoi nga një, dy apo më shumë fraksione, ndërsa pretendonte se vet është subjekt i pa kontestueshëm politik. Por sot, një vit më vonë, falë bashkimit të opozitës dhe rezistimit të përpjekjes për përçarje, u bë rotacioni politik” deklaroi Mexhiti.
