Kandidati për kryetar të Komunës së Çairit, Izet Mexhiti, ka vizituar nga afër punimet që po zhvillohen në rrugën “Avram Pisevski” në lagjen Gazi Babë, ku po realizohet një projekt i rëndësishëm për rrjetin e ri të ujësjellësit.
Ky investim, i mbështetur nga Ministria e Mjedisit Jetësor dhe Planifikimit Hapësinor, synon të sigurojë furnizim të qëndrueshëm dhe cilësor me ujë të pijshëm për banorët e zonës. Sipas Mexhitit, projekti do të sjellë një infrastrukturë moderne dhe do të përmirësojë ndjeshëm cilësinë e jetës për qytetarët.
“Ne nuk qëndrojmë në zyrë. Ne dalim në terren, dëgjojmë qytetarët dhe sigurohemi që çdo premtim të kthehet në rezultat të prekshëm”, deklaroi ai gjatë inspektimit. (INA)
