Zëvendëskryeministri i parë, Izet Mexhiti, në emisionin e tij në Alsat M, ka kritikuar ashpër Artan Grubin dhe liderin e BDI-së, Ali Ahmetin. Mexhiti theksoi se Grubi ka vepruar gjithmonë me lejen e Ahmetit dhe se kjo ka pasur pasoja të rënda për shqiptarët.
“Beteja jonë, lufta jonë, atë që e kemi thënë, është vërtetuar pak vonë. Po ndjej një keqardhje. Iu dha mundësia nga z. Ahmeti, sepse edhe vet Grubi deklaroi se asgjë s’ka bërë pa i thënë Ahmeti,” tha Mexhiti.
Ai akuzoi Grubin se me veprimet e tij ka dëmtuar rëndë idealet dhe sakrificat e shqiptarëve.
“Me lejen e Ahmetit arriti ta shkatërrojë një investim shumë të madh të shqiptarëve që e kanë paguar me gjak, me shumë investime, me shumë vota, shumë mundim e sakrifica, që në fund prej atij idealit të madh të shndërrohet në një shërbëtor të regjimit të Gruevskit dhe Mijallkovit,” deklaroi Mexhiti.
