Këtu e 70 vite më parë në prehrin e nënës Zahide dhe bacë Shabanit, erdh në jetë Adem Jashari- Komandanti ynë Legjendar, pishtari i lirisë sonë, ylli i qiellit të shqiptarisë, dielli i djalërisë, burri i dheut, simboli i sakrificës kombëtare për liri, për Shqiptari. Adem sot po të urojmë, po të këndojmë, po të admirojmë deri në Hyjni, Adem ti palca e kombit shqiptar, Adem sot je burrë, sot je djalë, Adem ti nuk ke vdekur, je gjallë e më i gjallë se ne të gjallët.
Urime ditëlindja jote e shtatëdhjetë, urime për mote e sa të jetë jeta në malet tona e në këta shkrepa. Komandant, sot në mëngjes ende pa zbardhur drita, 70 herë jam përkulur e ngritur para portretit tënd, o shqiponjë mali o shkëmb, ku flamuri i lirisë sonë po valon!
Komandanti Legjendar Adem Jashari, edhe për së vdekuri, ka tmerruar regjimin gjakatar Serb, ka vrarë ata moralisht, shpirtërisht, ushtarakisht, politikisht dhe ndërkombëtarisht, prandaj mbarë shqiptarët dhe ndërkombëtarët e kanë për borxh moral, që në çdo përvjetor të përkulen para varrit të legjendarit ADEM, dhe lapidarëve të UÇK-së, që shporren një pushtues gjakatarë- siç ishte Serbia! Adem Jashari me çlirimtarët, botës liridashëse i dhanë shembullin më unik të sakrificës së popujve që luftojnë për lirinë e vet!, bota duke qenë e lirë dhe demokratike, merr frymë më lirshëm. Triumfi mbi diktatorët e vegjël dhe të mëdhenj Serb, me gjithë makinerinë e tyre shtypëse, Ademin e vë në fronin e çlirimtarit të Ballkanit, dhe jo vetëm të shqiptarëve në Kosovë!…
Adem Jashari, kjo figurë markante, ishte fjalëpakë, ngase puna i fliste shumë… nuk i duronte fjalamanët, ishte i përkushtuar, fjala e tij nuk kthehej mbrapsht, ishte i rreptë dhe i pa kompromis kur ishin në pyetje interesat e atdheut, ishte modest dhe modestija e ngritete atë në piedestalin e Hyjnisë. Adem Jashari, ishte figurë hyjnore e tokës dhe qiellit e hënës dhe diellit, natyra e kishte dhuruar të tillë!
Si të thuash; natyra e kishte krijuar të veçantë në mesin e njerëzve tjerë! Është trungu më autokton shqiptar, që interesave të atdheut nuk ua ktheu shpinën asnjëherë- Ademi, është vet liria, Ademi është Legjenda e lirisë së Kosovës, Ademi është Hyjni!
Pamja e tij ngjasonte me Gjergj Kastriotin, Zaharia Gropën, Gjergj Ballshën, Lekë Dukagjinin, Rrapo Hekalin, Zenel Gjolekën, Zeman Mashkullorin, Oso Kukën, Jakup Ferrin, Çerçiz e Bajo Topullin, Ademi ishte një figurë madhështore e papërsëritshme, ishte sublimim i të njerëzishmes, ishte dhuratë e dërguar nga natyre për liri!…
Ky portret, nuk të le indiferent, është portret i admirueshëm nga e gjithë bota liridashëse- edhe sot, provokon dhe le pa gjumë imagjinatën krijues të letrarëve, piktorëve, skulptorëve, poetëve, historianëve, filozofëve dhe strategëve të artit ushtarak… është figurë që mbushë sheshet me bronz, figurë që përflakë qiellin e lirisë sonë, figurë që shndritë rreze dielli!
Ai i dha emër lirisë sonë, është zemra e tokës mëmë, pa te, baladat, pikturat, skulpturat, poezitë do të ishin të zbehta, pa te bronzi, nuk do të kishte ku të derdhej, pa Ademin- Komandantin Legjendar, madhështia e shtatorëve do të ishte më e tkurrur, pa emrin e Ademit, sheshet do të ishin më të varfra, do të ishin më të zbehta!
– Ai ishte një kokë lua.
Si ay, nuk lindë nana ma!…
Komandant; Urime ditëlindja jote e shtatëdhjetë, urime për mote e sa të jetë jeta në malet tona e në këta shkrepa. Komandant, sot në mëngjes ende pa zbardhur drita, 70 herë jam përkulur e ngritur para portretit tënd, o shqiponjë mali o shkëmb ku flamuri i lirisë sonë po valon!
CH-28-11-2025
Mehmet Bislimi
