Një grup burrash të armatosur kanë hyrë në një studio televizive live në Ekuador dhe kanë kërcënuar stafin gjatë një transmetimi të drejtpërdrejtë.
Mediet e huaja bëjnë me dije se transmetimi i drejtpërdrejtë nga stacioni TC në qytetin e Guayaquil u ndërpre të martën nga grupi i armatosur, të cilët ishin të pajisur me maska në kokë.
Stafi u detyrua të shtrihej barkas në dysheme, përpara ndërprerjes së transmetimit të drejtpërdrejtë.
Ekuadori shpalli gjendjen e jashtëzakonshme 60-ditore të hënën, pasi një udhëheqës i dënuar bande u zhduk nga qelia e tij e burgut.
