Deputetët e “Levicës” kanë ngritur kallëzim të përbashkët penal kundër kryetarit të Kuvendit Afrim Gashi, për siç kanë thënë, dyshimit të bazuar për kryerjen e veprës penale “Punë pandërgjegjshme në shërbim”
Ky kallëzim i parë kundër kryeparlamentarit aktual është bërë për shkak të mosveprimit zyrtar dhe sjelljeve siç kanë thënë të paligjshme me vetëdije në rastin e mosrevokimit të mandatit të deputetit Talat Xhaferi gjatë periudhës kur ushtronte edhe funksionin e kryeminstrit, poste që nuk guxojnë të përputhen, thuhet në njoftimin e kësaj partie.
“Sipas dispozitave obligative të katër ligjeve të vlefshme dhe Rregullores së Kuvendit, i akuzuari ka qenë i obliguar që të konstatojë situatën e konfliktit të interesave dhe akumulimin e funksioneve me Xhaferin dhe ta shtojë këtë në rendin e ditës së seancës së parë parlamentare të radhës. Por ai nuk pranoi të bënte atë që ishte detyrimi i tij i shprehur me gjithë kërkesën me shkrim të grupit parlamentar të së Majtës, si dhe përkundër thirrjeve publike të Komisionit Shtetëror për Parandalimin e Korrupsionit. Njoftojmë opinionin publik se ekipi ligjor i së Majtës do të vijojë të monitorojë me vigjilencë ligjshmërinë e punës së kryeparlamentarit të ri dhe do t’i përgjigjet në përputhje me çdo veprim apo mosveprim të kundërligjshëm”, thuhet në kumtesën e “Levicës”.
