Zëvendësministri i Bujqësisë, Albrim Hoxha, ka deklaruar se qeverisja e VLEN në pushtet po sjell ndryshime të thella në përfaqësimin dhe barazinë institucionale, duke adresuar padrejtësi të trashëguara prej më shumë se njëzet vitesh.
“Në vitin e parë të qeverisjes, VLEN po e mbyll një plagë që të tjerët e lanë të hapur për dy dekada,” tha Hoxha. Ai theksoi se kur përfaqësimi i drejtë bëhet ligj, të parët që shqetësohen janë ata që nuk patën guximin ta realizojnë, edhe pse kishin gjithë pushtetin në dorë.
Sipas tij, VLEN nuk ka hyrë në institucione për të heshtur, por për të kthyer drejtësinë në normë dhe dinjitetin në një detyrim ligjor.
“Ky ligj flet në emër të gjithë atyre që nuk i dëgjoi askush me dekada. Ai është për shqiptarët që u numëruan, por nuk u respektuan. Për ata që pritën një shtet që t’i shihte si të barabartë – dhe më në fund, po e shohin,” u shpreh Hoxha.
