Kryeparlamentari Gashi: Takime me figura të rëndësishme të institucioneve dhe biznesit në Stamboll

Kryeparlamentari Afrim Gashi ka njoftuar se gjatë qëndrimit në Stamboll ka patur mundësi për të takuar figura të rëndësishme të institucioneve dhe të biznesit.
“Vizita në Stamboll ishte një mundësi e shkëlqyer për të takuar figura të rëndësishme të institucioneve dhe biznesit. Me këtë rast, falënderoj Idris Fazlioski, Konsull i Përgjithshëm i Maqedonisë së Veriut në Stamboll, për mikpritjen dhe bashkëpunimin. Mirënjohje edhe për biznesmenin Naser Alimi, i cili përmes donacionit për Konsullatën jep një shembull të përkushtimit ndaj forcimit të lidhjeve institucionale dhe shoqërore”, ka deklaruar kryeparlamentari Gashi.