Kryeministri Pakistanit, Shehbaz Sharif e ftoi New Delhin të angazhohet në dialog gjithëpërfshirës lidhur me tensionet midis vendit të tij dhe Indisë, transmeton Anadolu.
Sharif u takua me forcat e sigurisë në një bazë ushtarake në Sialkot të Pakistanit.
Lidhur me tensionet midis dy vendeve Sharif deklaroi: “Le ta shuajmë këtë zjarr dhe të negociojmë për Kashmirin dhe ujin”. Ai më tej e ftoi Indinë të angazhohet në dialog gjithëpërfshirës.
Duke iu drejtuar kryeministrit indian Narendra Modi, Sharif lidhur me mundësinë e një sulmi të ri nga qeveria e New Delhit tha: “Ne jemi gati për luftë dhe dialog. Zgjedhja është e juaja”.
– Sulmi dhe përleshjet e Indisë
Përleshjet midis dy vendeve shpërthyen pasi India nisi sulme me raketa në territorin pakistanez dhe rajonin Azad Kashmir të kontrolluar nga Pakistani më 6 maj, në hakmarrje për sulmin terrorist në distriktin Pahalgam më 22 prill, në të cilin u vranë 26 persona.
Të dy vendet shpallën armëpushim më 10 maj me ndërmjetësimin e SHBA-së.
