Kos: Ka konsensus për zgjerimin e BE-së, por dritarja e mundësisë nuk do të jetë gjithmonë e hapur

Komisionerja për Zgjerim e Bashkimit Evropian, Marta Kos, në takimin e liderëve të BE-së dhe Ballkanit Perëndimor, deklaroi se ekziston një konsensus i qartë për zgjerimin e Unionit. Megjithatë, ajo paralajmëroi se kjo dritare mundësie nuk do të jetë e hapur pafundësisht.
“Nëse bëjmë si duhet procesin e zgjerimit, mund ta bashkojmë Europën tonë, ndërsa Europa nuk mund të jetë e bashkuar pa Ballkanin Perëndimor. Dua të jem shumë e qartë. Ka konsensus të qartë për zgjerim të mëtejshëm tani, nuk ishte në të kaluarën, por dritarja e mundësisë ndoshta nuk do të jetë aty gjithmonë”, deklaroi Marta Kos, Komisonere për Zgjerim.