Kasami takoi ministren e Arsimit Janevskën

“Sot pata kënaqësinë të zhvilloj një takim të rëndësishëm me Ministren e Arsimit, Vesna Janevska, ku diskutuam çështje të rëndësishme në sektorin e arsimit në Komunën e Tetovës.
Në këtë takim u trajtuan tema kyçe që ndikojnë drejtpërdrejt në zhvillimin e sistemit arsimor dhe përmirësimin e kushteve për nxënësit tanë.
Theksi u vendos mbi investimet në infrastrukturën arsimore, me një fokus të veçantë në ndërtimin e sallave sportive në shkollat tona.
Këto investime janë thelbësore për krijimin e një mjedisi të shëndetshëm dhe të sigurt për aktivitetet sportive dhe fizike, duke kontribuar kështu në mirëqenien dhe zhvillimin e gjithanshëm të nxënësve.
Komuna e Tetovës mbetet e përkushtuar për të bashkëpunuar ngushtë me Ministrinë e Arsimit për realizimin e këtyre projekteve, me qëllim që të ndërtojmë një të ardhme më të ndritur për fëmijët tanë dhe të krijojmë shkolla moderne dhe të mirëpajisura.” ka shkruar kryetari i komunës së Tetovës, Bilall Kasami