Kryetari i Komunës së Tetovës, Bilall Kasami, sot konfirmoi se kompania që ka fituar tenderin për rikonstruktimin e stadiumit të qytetit të Tetovës është pjesë e rrjetit të kompanive të familjarëve të Lazim Destanit.
“Kjo është çështje formale. Kompania që e ka fituar tenderin është në rrjetin e kompanive të themeluara nga familja e Lazim Destanit”, tha Kasami, duke u përgjigjur në pyetjen e gazetarëve.
I pyetur se kur do të nënshkruhet, Kasami tha se janë në përfundim të disa detajeve dhe beson se nga mesi i muajt mars të fillojnë edhe punimet.
Kujtojmë se kompania që ka fituar tenderin për rikonstruktimin e stadiumit të qytetit të Tetovës e ka fituar e “E-Property DOOEL Tetovë”, shkruan Telegrafi Maqedoni.
