Kryetari i Komunës së Tetovës, Bilall Kasami, ka vënë sërish në qendër të vëmendjes rininë tetovare, duke e cilësuar atë si garancën më të madhe të fitores dhe të transformimit të qytetit.
Në një takim të mbajtur me të rinjtë tetovarë, Kasami nënvizoi se ëndrrat, idetë dhe kritikat e tyre do të jenë themeli mbi të cilin do të ndërtohet Kapitulli i Dytë i Tetovës.
Në kuadër të këtij organizimi, me unanimitet u zgjodh Valon Zeqiri si Shef i Shtabit Rinor të koalicionit VLEN në Tetovë. Kasami e përgëzoi atë dhe ekipin e tij, duke u shprehur i bindur se vizioni i tyre do të reflektohet në ndryshimet që presin qytetin.
“Rinia është e ardhmja e Tetovës dhe me ta do të shkruajmë historinë e re të këtij qyteti”, u shpreh Kasami, duke ftuar të rinjtë që të bashkohen edhe në takimin e nesërm te Shkolla “Liria”.
