Kandidati i koalicionit VLEN për Gostivarin, Sebaedin Dauti, ka shprehur entuziazmin e tij pas një takimi me strukturat e koalicionit në qytet, duke theksuar vendosmërinë e qytetarëve për ndryshim.
“Kënaqësi të takoj strukturat e koalicionit VLEN në Gostivar,” u shpreh Dauti. “Pjesëmarrja ishte impozante, ku entuziazmi i të pranishmëve më jep edhe më shumë besim se ndryshimi i madh në Gostivar është i pashmangshëm.”
Ai theksoi se qytetarët janë të përgatitur për një të ardhme ndryshe: “Qytetarët janë të gatshëm, të vendosur dhe plot shpresë për një të ardhme më të mirë. Me këtë përkrahje, do ta bëjmë realitet vizionin tonë për një Gostivar që VLEN!”
Në vijim, Dauti paralajmëroi se fushata e tij do të fokusohet te nevojat reale të qytetarëve dhe ndërtimi i një administrate efikase e transparente.
