Qyteti i Shkupit paralajmëron ndryshime në komunikacionin rrugor dhe transportin publik, por edhe masa të reja për përballimin e problemit me mbeturinat. Një nga ndryshimet e paralajmëruara është legalizimi i vendkalimit për këmbësorë te Bit Pazari, ku së shpejti pritet të vendosen sinjalizimi përkatës dhe semaforët, raporton Zyrtare.
Kryetari i Qytetit të Shkupit, Orce Gjorgjievski, duke iu përgjigjur një pyetjeje të këshilltarëve, njoftoi se në vendin e kalimit të paligjshëm do të shënohet një vendkalim zyrtar për këmbësorë, ndërsa do të vendosen edhe semaforë me qëllim rritjen e sigurisë së këmbësorëve.
Gjorgjievski njoftoi se deri në fund të mandatit të tij planifikon të sigurohen edhe autobusë të tjerë me mjete financiare të Qytetit të Shkupit.
