Me llogari të bllokuar dhe dy thirrje të pasuksesshme për furnizim me karburant, NTP është në rrezik që përsëri të parkojë autobusët e saj, pasi të shpenzojë karburantin që ka marrë hua nga rezervat shtetërore të naftës. Po ashtu, kamionët e Higjienës Komunale po e shpenzojnë karburantin e mbetur pasi Byroja për Prokurim Publik i ka anuluar tenderin prej 2.5 milionë eurosh. Vetëm një ditë pas kolapsit në Ndërmarrjen e Transportit Publik, situata e transportit me autobusët në Shkup u normalizua. Tani, sërish nuk ka autobusë, komentojnë qytetarët në stacionet e autobuseve. Simona, një grua 45-vjeçare që priste autobusin me numër 50 në stacionin e Hipodromit për të shkuar në qendër të qytetit, tha se sot kishte pritur plot 40 minuta, shkruan PressOnline.al
“Në fund e thirra burrin të më çonte me makinë pasi po vonohesha për në punë. Nga shtëpia deri në punë ndërroj dy autobusë dhe dy kur të kthehem, gjithsej 4. Përsëri nuk janë të rregullt, por për shembull, dje, në të katër autobusët ka pasur kontroll. Pavarësisht se prisja, kërkojnë biletë“, thotë Simona.
