Institucionet po veprojnë me vendosmëri për tragjedinë në Koçan, ku tashmë numri i të arrestuarve ka arritur në 20. Ky është një ndryshim i qartë nga e kaluara, kur gjatë qeverisjes së BDI-së tragjeditë e mëdha mbetën pa asnjë përgjegjësi.
Ish-ushtari i UÇK-së, Xhemë Lamallari, i njohur me nofkën komandant Baruti, ka reaguar duke vënë në pah dallimin mes funksionimit aktual të shtetit dhe periudhës kur BDI ishte në pushtet.
“Për spitalin modular në Tetovë, sa u arrestuan? Kush i amnistoi vrasësit?
Për Durmo-Tursin, sa u arrestuan? Kush e heshti rastin?
Po Besa-Transin, kush e fali? 49 shqiptarë u dogjën të gjallë, dhe askush nuk mbajti përgjegjësi?
Drejtësi për të gjithë! Hapni rastet nga fillimi!” – shkruan Lamallari.
Shteti tashmë po ndërmerr masa konkrete për të vënë drejtësinë në vend dhe për të ndëshkuar përgjegjësit, duke dëshmuar se koha e pandëshkueshmërisë ka marrë fund.
