Kryetari i Alternativës dhe njëri prej liderëve të VLEN, Zeqirija Ibrahimi gjatë hapjes së shtabit të VLEN në Komunën e Butelit, ka porositur opozitën shqiptarë që të garojmë me projekte konkrete e që janë në dobinë e qytetarëve.
“Ne do të duhet të ju themi boll më me fjalë e me muhabete. është koha për projekte konkrete. Ky popull do zgjidhje për ujin, për asfalltin, për dritat, për cerdhet, për shkollat, për pastërtinë e vendit tonë. E shohim gjithkund shtrohet çështja e menaxhimit të mbeturinave. Andaj, derisa nuk ofroni zgjidhje për cështje të këtilla ju kisha lutur fare të mos paraqiteni në mesin e qytetarëve se ata janë njerëz që nuk duan të dëgjojnë fjalë boshe të krekosjeve, dhe të mburrjeve e të rrahjes së gjoksit. Ofroni projekte siç ka ofruar VLEN-I. Ejani të garojmë me ofertën për zgjedhjet lokale se kjo është beteja në të cilën ne dhe ju po matemi në këto zgjedhje”, nënvizoi Ibrahimi.
