Kryetari i komunës së Mitrovicës së Jugut, Bedri Hamza tha partia në pushtet, Vetëvendosje nuk ishte e gatshme për zgjedhje të parakohshme.
Hamza në një intervistë për “Zërin e Amerikës” thotë se PDK-ja është duke u përgatitur dhe se është optimiste për rezultate të mira në zgjedhjet e rregullta.
“Presidentja e vendit i ka ftuar partitë politike në konsultime dhe si data të mundshme janë datat me 26 janarit dhe 16 shkurtit. Ne presim që Presidentja të dalë me një datë të saktë për mbajtjen e zgjedhjeve, në një afat të rregullt. Ka patur një inisiativë që në Kosovë të shkohet në zgjedhje të parakohshme. Realisht partia në pushtet ka deklaruar se është e gatshme, por në fund kur ne si Parti Demokratike kemi dhënë mbështetjen për shpërndarjen e Kuvendit ka patur një hezitim, një mos gatishmëri nga partia në pushtet që të shkohet në zgjedhje të parakohshme që kanë qenë të planifikuara në qershor apo në fillim të korrikut. Prandaj ne presim që zgjedhjet të jenë në afat të rregullt ligjor, kushtetues dhe jemi duke u përgatuar që të dalim sa më mirë në zgjedhje dhe jemi optimist që do të kemi rezultat të mirë”, tha Hamza./VOA
