Kryetari i Kuvendit të Republikës së Maqedonisë së Veriut, Afrim Gashi, sot pasdite realizoi takim me Markos Perestrellon, kryetarin e Asamblesë Parlamentare të NATO-s, i cili po qëndron për vizitë në Shkup para mbledhjes së nesërme të Komitetit të Përhershëm të AP të NATO-s, e cila këtë vit po zhvillohet në Kuvendin e RMV-së.
Kryetari Gashi, siç informojnë nga Kabineti i tij, shprehu kënaqësinë që takimi po realizohet pikërisht në ditën e NATO-s, kur shënohet 76-vjetori i Aleancës. Ai theksoi gjithashtu se Maqedonia e Veriut javën e kaluar shënoi një jubile të vogël, pesë vjetorin e anëtarësimit të plotë në NATO, që simbolizon pesë vite përkushtim të plotë ndaj vlerave euroatlantike dhe investimeve në kapacitetet tona ushtarake.
Në takim, thuhet në kumtesë, kryetarët Gashi dhe Perestrello shkëmbyen mendime edhe për rëndësinë e dimensionit parlamentar të NATO-s. Në atë kontekst u theksua se edhe AP e NATO-s po shënon një jubile – 70 vjet nga themelimi, i cili do të shënohet në mënyrë të duhur në Samitin e Aleancës në Bruksel, në qershor.
