Gashi në “Top 100”: Bashkëpunimi me bizneset mbetet prioritet

Kryeparlamentari Afrim Gashi ka njoftuar se ka marrë pjesë në ngjarjen ekonomike Top 100 e organizuar nga Oda Ekonomike e Maqedonisë Veri Perëndimore.
“Sonte pata kënaqësinë të marr pjesë në ngjarjen ekonomike TOP 100 2025, organizuar nga Oda Ekonomike e Maqedonisë Veri Perëndimore. I përgëzova të gjitha kompanitë për rezultatet e tyre të jashtëzakonshme, duke vlerësuar kontributin e tyre të pazëvendësueshëm në zhvillimin ekonomik të vendit. Bashkëpunimi institucional me sektorin privat mbetet një prioritet dhe element jetik për zhvillimin të qëndrueshëm të shtetit”, ka shkruar Gashi.