Kreu i Kuvendit të RMV-së, Afrim Gashi i cili po qëndron për vizitë zyrtare në Suedi, gjatë takimit me mbretin e Suedisë i ka dhuruar atij një shportë të mbushur me produkte unike nga Maqedonia e Veriut.
“Gjatë takimit tim me Mbretin e Suedisë, i përcolla një dhuratë simbolike që pasqyron traditat më të bukura të vendit tonë. Ajo ishte një shportë e mbushur me produkte unike nga Maqedonia e Veriut, që pasqyrojnë pasurinë natyrore dhe diversitetin e kulturës sonë, si dhe punën e përkushtuar të shumë brezave. Kjo dhuratë ishte një reflektim i mikpritjes dhe vlerave tona, duke sjellë tek Mbreti një pjesë të bukurisë dhe identitetit tonë”, ka shkruar Gashi në Facebook.
