Gashi: Apeloj që partitë të gjejnë vullnet politik për marrëveshje për zgjedhjen e Avokatit të Popullit

Kryetari i Kuvendit, Afrim Gashi, u bëri thirrje grupeve parlamentare që të gjejnë vullnet politik dhe të zgjedhin Avokat të Popullit në Kuvend. Në takimin e sotëm me gazetarët, ai tha se do të angazhohej personalisht për të gjetur një zgjidhje për këtë çështje, sepse është një institucion i rëndësishëm dhe se është e papranueshme që të mos ketë udhëheqës për kaq gjatë, transmeton Portalb.mk.
Sa i përket procedurës, ne kemi bërë gjithçka që të sigurohemi që ajo të shkojë pa probleme, por jemi zënë në befasi nga vullneti politik i partive politike. Ju e dini që duhet të votohet me shumicë dhe me një Badinter të madh (20 deputetë nga komunitetet). Po e shfrytëzoj këtë mundësi përmes jush, mediave, për t’u bërë thirrje të gjitha partive politike që ta zhbllokojnë këtë proces, të gjejnë zgjidhje, që aktorët politikë të ulen dhe të gjejnë një zgjidhje. Mbi të gjitha, le të jemi të ndërgjegjshëm ndaj një institucioni shumë të rëndësishëm siç është Avokati i Popullit. Do të doja që kjo të ndodhte sa më shpejt të ishte e mundur dhe do ta thërrisja menjëherë seancën. Pika është në rend të ditës, do ta votojmë që të funksionojë edhe në lidhje me zgjedhjet e përsëritura më 11 janar”, tha Gashi.