Një valë ajri të ftohtë mbërriti në Francë, e cila goditi veçanërisht rajonin Ile-de-France në Francën qendrore, ku u shpall një nivel portokalli alarmi në të tetë departamentet për shkak të borës dhe akullit, ndërsa një alarm i verdhë moti u aktivizua në pjesën tjetër të vendit, raportuan mediat franceze.
Alarmi portokalli i motit, i cili vlen për të gjithë rajonin e Ile de France – Paris, Seine dhe Marne, Yvelines, Essonne, Haus de Seine, Seine Saint Denis, Val de Marne dhe Val d’Oise, hyn në fuqi në orën 8 të mbrëmjes, raporton portali BFMTV.
Në perëndim të rajonit Ile-de-France, priten reshje dëbore dhe një trashësi e mbulesës së dëborës prej pesë deri në shtatë centimetra, dhe në lindje një mbulesë dëbore prej dy deri në pesë centimetra.
Sipas faqes së internetit Meteo France, në Paris dhe në periferitë më të afërta pritet të bjerë një deri në dy centimetra borë.
