Zëvëndëskryeministri, Arben Fetai, në Debat Plus në TV Dukagjini tha se Arben Taravari e ka lutur për një muaj rresht që ky i fundit të kthehet në vend dhe të marrë pozitën e zëvëndëskryeministrit. Por, sipas Fetait, i ka thënë se është gabim që ky të ketë pozitën më të lartë se të kryetarit të partisë.
“Deklarata e Taravarit se jam karrierist është qesharake kam qenë pas tij, shef i kabintetit të tij, Arbeni më ka thirrë një muaj me radhë rresht që të kthehem. I kam thënë se nuk është në rregull unë ta kem pozitën më të lartë se të kryetarit të partisë, ka thënë se nuk ka problem. I kërkova afat për ta menduar sepse kam qenë mirë në Belgjik, kam pasur punë të rregullt. Unë u ktheva sepse kam dhënë kontribut në këtë parti, që ne jemi paraqitur si antipod i BDI-së”, tha zëvëndëskryeministri, Arben Fetai.
