Në një atmosferë të ngrohtë (siç shihet në video), në shenjë të muajit të bekuar të Ramazanit, zëvendëskryeministri për Qeverisje të mirë, Arben Fetai, ka marrë pjesë në një iftar te familja e dëshmorit Zaim Zeqiri nga Vaksinca e komunës së Likovës.
Postimi i plotë:
Pata nderin dhe kënaqësinë që ta ndaja iftarin me familjen e dëshmorit Zaim Zeqiri – dëshmori i parë në Karadakun e Kumanovës, i cili ra heroikisht më 3 maj 2001 si ushtar i Brigadës 113 “Ismet Jashari” të Ushtrisë Çlirimtare Kombëtare.
Së bashku me bashkëshorten e tij, Havishen dhe djalin, Zijain, kujtuam me krenari veprën e lavdishme të Zaimit. Ai dha jetën duke mbrojtur fshatin Vaksincë dhe banorët e tij, duke u bërë mburojë për fëmijët nga bombardimet, duke i qëndruar besnik betimit për lirinë deri në frymën e fundit.
Sakrifica e tij dhe e të gjithë dëshmorëve të kombit është themeli mbi të cilin ne qëndrojmë sot. Lavdi e përjetshme veprës së Zaim Zeqirit dhe të gjithë atyre që ranë për liri! Nder dhe respekt i pafund për familjet e dëshmorëve dhe veteranët e UÇK-së!
