Krerët e VLEN-it kanë arritur marrëveshje për ndarjen e drejtorive kryesore mes 4 partive që e përbëjnë koalicionin.
Sipas burimeve të 3shi.net, LD-së së Izet Mexhitit do t’i takojnë MEPSO, Agjencia për Punësim, NOMAGAS (Shoqëri Aksionare për shpërndarjen e gasit), Filharmoninë, Kullotat, Qendra për Muzikë dhe Balet, Instituti për akreditim, Spitali i qytetit të Tetovës, Arena Boris Trajkovski, Spitali Psikiatrik dhe historikisht për herë të parë Spitali 8 shtatori(spitali ushtarak) do të drejtohet nga një shqiptar, kuadër i LD-së.
Alternativa do të udhëheq me Postat e Maqedonisë, Sh. A. Aeroportet, Fondi shëndetësor, Librat Amë, Agjencioni për ushqim dhe veterinari, Agjencioni për administratë, Qendra për provime, Drejtoria Publike e Shëndetit në Shkup, Instituti për standardizim dhe shumë të tjera.
Lëvizja Besa do të drejtojë ndërmarrjen publike Rrugët e Maqedonisë, Agjencionin e Filmit në Republikën e Maqedonisë, zv. ELEM, menagjim me ujrat, metereologji, spitali gjinekologjik në Shkup, Burgu i Tetovës, Ansambli i Valleve etj.
Aleanca e Arben Taravarit do të drejtojë shumicën e spitaleve dhe posteve shëndetësore, si dhe doganat, teatrin e Tetovës, Byroja për zhvillim rajonal, Komisionin e letrave me vlerë, Drejtoria për zbulim financiar, muzeu shkencoro-natyror, Drejtoria për Rrugë publike, Agjencioni operativo-teknik, Bordi i M-NAV etj.
Janë përcaktuar edhe drejtoritë e tjera, për të cilat do të informojmë në ditët në vijim. Ndarja është bërë sipas parimit të barazisë, pra secila parti nga 25% të posteve.
