Nga Qeveria thonë se mbeten në qëndrimin që Xhaferi e ka shprehur në seancën konstituive, se nuk do të merrte pjesë në punimet e Parlamentit deri sa është kryeministër në Qeverinë teknike
Xhenur ISENI
Shkup, 2 qershor – Komisioni Antikorrupsion reagoi se funksionarët e zgjedhur duhet të respektojnë Kushtetutën dhe ligjet dhe përkujtuan se posti i deputetit është i papajtueshëm me asnjë funksion tjetër publik. Nga ana tjetër, Talat Xhaferi si kryeministër teknik dhe Ilir Demiri si ministër i Shëndetësisë, mandatet e të cilëve u verifikuan në seancën konstituive, nuk dhanë dorëheqje nga asnjë pozitë.
Për papajtueshmërinë e funksionit të deputetit me ndonjë funksion tjetër publik, kanë reaguar edhe ekspertët. Nga Qeveria thonë se mbeten në qëndrimin që Xhaferi e ka shprehur në seancën konstituive, se nuk do të merrte pjesë në punimet e Parlamentit deri sa është kryeministër në Qeverinë teknike.
Sipas profesorit universitar të së drejtës kushtetuese, Denis Preshova, kjo është skandaloze, sepse ndoshta nesër Xhaferi do të mendojë se dëshiron të jetë president, pra do të nënshkruajë dekrete ligjesh, ose ndryshe do të shpallet kryetar i Gjykatës Kushtetuese, duke marrë parasysh dëshirën e tij.
Ai kërkon që institucionet të reagojnë menjëherë dhe ligjet të zbatohen njësoj për të gjithë. Duke komentuar se mendësia e Xhaferit është në të vërtetë e papajtueshme me sundimin e ligjit.
“Përsëri, personi në fjalë kërkon të na shesë arbitraritet dhe sjellje bullizuese si interpretim ligjor, si në një sërë situatash të mëparshme, si zgjedhjet, gjendja e jashtëzakonshme, votim mosbesimi, vetoja etj. Duke na paraqitur rrejshëm veten si autoritet dhe madhështi suprem ligjor, ai në fakt na tregon në mënyrë jashtëzakonisht arrogante se nuk ka asgjë që institucionet të veprojnë dhe të zbatojnë rregullat sepse një rregull ligjor është ajo që do t’ju thotë Talati. Në mënyrë tipike ushtarake – dhënien e urdhrave, ekzekutimin – na tregoi se mendësia e tij në fakt është e papajtueshme me demokracinë, parlamentarizmin dhe shtetin e së drejtës, ashtu si pozita e deputetit është e papajtueshme me postin e kryetarit të Qeverisë”, tha profesori Preshova.
Dje ka paralajmëruar edhe Komisioni Antikorrupsion. Duhet të respektohet Kushtetuta, Ligji për deputetët, ligji për Parlamentin, Kodi Zgjedhor… “Moszbatimi i detyrimeve dhe ndalimeve sjell ndërprerjen e mandatit të të zgjedhurve, sipas Ligjit për Parlamentin, për deputetët, Kodit Zgjedhor. Kujtojmë se personi i zgjedhur apo i emëruar, gjatë kohëzgjatjes së mandatit të tij, është i detyruar të respektojë rregullat për papajtueshmërinë e detyrës që ushtron me funksione apo veprimtari të tjera të përcaktuara në Kushtetutë dhe ligjet”, paralajmëroi Antikorrupsioni. Ilir Demiri, në një bisedë të shkurtër telefonike për mediat, i pyetur nëse do të jepte dorëheqjen nga një nga postet e tij, ai tha se nuk kishte bërë asgjë të kundërligjshme. “Unë nuk jam duke bërë asgjë të paligjshme. Siç është ligji, kështu do të veproj”, tha shkurt Demiri. (koha.mk)
