Driton Nebiu, ish-drejtor i Agjencisë për Menaxhimin me Pronën e Konfiskuar dhe kuadër i Aleancës për Shqiptarët – krahu i Selës, pritet të jetë një nga kandidatët e mundshëm të koalicionit opozitar shqiptar për Komunën e Haraçinës në zgjedhjet lokale të Tetorit.
Sipas portalit Top24, Nebiu është pjesë e anketave të brendshme të koalicionit dhe renditet në mesin e emrave më të preferuar nga qytetarët.
Ai ka përfunduar studimet universitare në Fakultetin e Shkencave Politike pranë Universitetit “Shën Kirili dhe Metodi” në Shkup, si dhe studimet postdiplomike në fushën e pronësisë intelektuale, ku ka fituar titullin magjistër.
Gjatë qeverisjes së kaluar ishte drejtor i Inspektoratit të Pylltarisë dhe Gjuetisë (2017/18), dhe më pas drejtor i Agjencisë për Menaxhimin me Pronën e Konfiskuar (2023/24).
