Sot, në ambientet e Operatorit të Sistemit të Transmetimit të Energjisë Elektrike të Maqedonisë së Veriut (MEPSO), drejtori i përgjithshëm, Z. Burim Latifi, priti zëvendësambasadorin e Gjermanisë, Z. Jan Aksel Fos. Ky takim u shfrytëzua për të diskutuar projektet strategjike që po zhvillohen në sistemin e transmetimit të energjisë elektrike në vend.
Gjatë takimit, u theksua rëndësia e integrimit të burimeve të ripërtëritshme të energjisë, si dhe planet për zhvillimin e ardhshëm të sistemit të transmetimit. Diskutimet u përqendruan në prioritetet kryesore të MEPSO-s, duke përfshirë investimet në infrastrukturë, stabilitetin e rrjetit dhe qëndrueshmërinë e gjatë afatit.
Një nga temat kryesore të bisedës ishte projekti i linjës interkonektive të transmetimit me Republikën e Shqipërisë, si dhe modernizimi i rrjetit të transmetimit. Z. Latifi theksoi se ky projekt mbetet një nga prioritetet kryesore të MEPSO-s për të siguruar një sistem elektrotransmetues të qëndrueshëm dhe bashkëkohor.
“Vetëm me punë të përkushtuar dhe qasje të përgjegjshme mund të arrijmë rezultate që garantojnë stabilitet dhe modernizim për rrjetin tonë,” tha Z. Latifi gjatë takimit.
MEPSO mbetet e përkushtuar në realizimin e projekteve strategjike që sigurojnë zhvillim të qëndrueshëm dhe një të ardhme më të mirë për sektorin energjetik në Maqedoninë e Veriut. Ky bashkëpunim me partnerë ndërkombëtarë, si Gjermania, është thelbësore për të arritur qëllimet e vendosura.
MEPSO vazhdon të punojë për të përmirësuar infrastrukturën e energjisë dhe për të siguruar një sistem të besueshëm dhe modern për qytetarët dhe bizneset në vend.
