Shqipëria do të përballet me Serbinë me 7 qershor, në kuadër të kualifikueseve të Botërorit.
Për sfidën që do luhet në “Arena Kombëtare” vijon shitja e biletave në mënyrë abuzive.
Mjafton një kërkim në Facebook, ku shfaqen njerëz të ndryshëm që në faqe të ndryshme janë të gatshëm për të biseduar rreth çmimeve të biletave.
Jo vetëm kaq, pasi edhe në komente të shumtë janë ata që shkruajnë se disponojnë bileta dhe se duan t’i shesin.
Kjo nuk është hera e parë që hasen raste të tilla, pasi kjo është bërë diçka e zakonshme sa herë që ka në program ndeshje të rëndësishme.
