Kryetari i Lëvizjes ZNAM Maksim Dimitrievski ka deklaruar se po bisedojnë me VMRO-DPMNE vetëm për parime të funksionimit në qeverisjen e ardhshme ku do të bëhen pjesë.
Dimitrievski po ashtu tha se negociatat me VMRO DPMN-në i udhëheqin sekretari i përgjithshëm dhe dy nënkryetarët, ndërsa ai dhe Mickovski kanë pasur një takim dhe kanë konfirmuar atë që paraprakisht është marrë vesh.
Lidhur me portofolet që do të marrë Lëvizja ZNAM, Dimitrievski tha se është biseduar për një numër më të madh të portofoleve dhe se ZNAM është e gatshme të hyjë me kapacitet dhe personel në një numër të madh portofolesh në vend dhe të japë kontributin e saj për reformat, stabilizimin dhe zbatimin e programit.
“Kemi kapacitete për drejtësi dhe ministri të tjera të mëdha, por kjo do të varet ende nga marrëveshja përfundimtare. Besoj se nëse ZNAM merr mbështetje për të menaxhuar me sukses këtë sektor, ne do të kryejmë reforma serioze në atë çfarë nënkuptohet me pushtet të pavarur gjyqësor, prokurori dhe për të depolitizuar këtë segment në shoqëri. Unë ende i qëndroj fjalës që nuk ka drejtësi në Maqedoni. Dhe pa drejtësi nuk ka paqe dhe pa ligj nuk ka shtet.”, ka deklaruar Dimitrievski.
I pyetur se cilat janë emrat e departamenteve që do t’i ketë ZNAM, Dimitrievski tha se në nivelet e ulëta të pushtetit do t’u japin shanse profesionistëve të sistemit.
