Tryeza e Dialogut Ndërfetar e organizuar nga Fondacioni “Drita”, është mbajtur më 21.03.2025, në Katedralen “Nëna Terezë” në Prishtinë, me temën “Dialogu ndërfetar sipas modelit shqiptar”.Presidenti i Fondacionit “Drita”, Zef Gashi, derisa theksoi rendësinë e organizimeve të tilla, tha se “dialogu [ndërfetar] është rruga e vetme për të ndërtuar një shoqëri të drejtë, të barabartë dhe paqedashëse”.Ai përmendi modelin shqiptar ndërfetar, si një shembull që forcon popullin dhe si një model që duhet ndjekur edhe në shoqëritë e vendeve tjera.
Ndërsa, kryetari i Kuvendit të Kosovës, Glauk Konjufca, tha se është e vështirë të gjendet një model i tillë në botë ku asnjëherë nuk ka pasur konflikte që kanë pasur bazë fetare.Konjufca ka deklaruar se shqiptarët kanë “luftuar” kundër njëri- tjetrit për pushtetet politike, por asnjëherë feja nuk ka qenë ambicie politike e asnjë grupi politik në Kosovë.“Shqiptarët kanë luftuar ndoshta kundër njëri tjetrit për pushtet politik, por feja asnjëherë nuk ka qenë për ambicie politike të asnjë formacioni politik shqiptar”- u shpreh ai.Kryeparlamentari Konjufca tha se modeli shqiptar i bashkëjetesës fetare duhet të promovohet në mënyrë akademike dhe organizative, duke qenë se është një nga fenomenet e rralla në shoqëritë e sotme.
“Unë besoj vërtet që ekziston një model origjinal shqiptar i bashkëjetesës fetare, një model i cili është vështirë të gjendet diku tjetër. Historia e gjatë e popullit tonë të përvuajtur tregon se në asnjë moment nuk ka pasur një konflikt i cili ka bazë fetare. Kombi ynë është bartës i katër feve të mëdha monoteiste dhe është vërtet për t’u studiuar se si nuk mund të gjendet asnjë tronditje te populli ynë, i cili është me bazë fetare që rrallë keni parë te popujt tjerë”, tha ai, duke i përgëzuar prijësit fetar për bashkëpunimin e tyre në ofrimin e një “ambient të shëndoshë” në Kosovë.Në tryezë morën pjesë të ftuar të shumtë, personalitete të ndryshme vendore e ndërkombëtare.Në këtë konferencë janë paraparë të mbahen edhe panele diskutimesh që kanë të bëjnë më dialogun ndërfetar dhe bashkëpunimin në mes të liderëve fetarë.
