E shtuna, 4 tetor, ishte dita kur protestat më masive në mbështetje të Palestinës në dekadat e fundit u mbajtën në shumë qytete në të gjithë Spanjën, qeveria e së cilës ka bërë diferenëcn në dënimin e Izraelit.
Sipas raportimeve të mediave spanjolle, më shumë se 500,000 qytetarë dolën në rrugë, duke kërkuar një përgjigje ndërkombëtare ndaj krimeve të luftës të kryera nga Izraeli në Gaza.
Protestat u mbajtën në më shumë se 70 qytete në të gjithë Spanjën, duke përfshirë Barcelonën, Madridin, Seviljen, Pamplonën dhe Valladolid. Qytetarët mbanin flamuj palestinezë në rrugë, dhe rrugët ishin të lyera me jeshile, të zeza, të kuqe dhe të bardha – simbole të luftës palestineze.
Siç raportohet nga e përditshmja spanjolle El País, demonstruesit theksuan se është jetike që bota të ngrejë zërin kundër gjenocidit izraelit në Gaza. Një nga pjesëmarrësit në protestën në Valencia dha një dëshmi emocionale: “Unë ngushëlloj çdo nënë që humbi një fëmijë të vrarë në bombardimin e mallkuar. Është e tmerrshme”,tha demonstruesi, duke shprehur trishtimin dhe dhimbjen e shumë të tjerëve.
Ndër fjalimet më të spikatura ishte ai i Ivan Casado, një 37-vjeçar nga Madridi, i cili i bëri thirrje qeverisë spanjolle të ndërpresë plotësisht marrëdhëniet me Izraelin: “Spanja duhet të ndërpresë të gjitha marrëdhëniet me Izraelin dhe të ndalojë udallallëqe si ndalimi i flamurit palestinez në shkolla. Qeveria duhet të respektojë ata që mbështesin Gazën”, tha Casado.
Fjala e vetme që jehoi gjatë gjithë protestave ishte “gjenocid”, një akuzë e drejtuar qeverisë izraelite për veprimet e saj në Gaza. Demonstruesit shprehën gjithashtu mbështetje për anëtarët e ndaluar të Flotiljes Globale Sumud, një organizatë që lufton për lirinë e Palestinës. Nën pankarta me slogane si “Gaza, duro”, “Bojko Izraelin” dhe “Rroftë rezistenca palestineze”, mijëra njerëz marshuan nëpër qytetet spanjolle.
Në Pamplona, sipas organizatorëve, më shumë se 50,000 njerëz ecën nëpër qytet duke shprehur solidaritet me popullin palestinez. Slogane si “Gjenocid në Gaza” dhe “Bojkoto Izraelin” jehonin nëpër rrugë, ndërsa demonstruesit kërkuan që bashkësia ndërkombëtare ta merrte situatën më seriozisht.
Në Sevilje, më shumë se një mijë demonstrues, duke valëvitur flamuj palestinezë, morën pjesë në një protestë duke bërë thirrje për mbështetje për popullin e Gazës dhe duke kërkuar lirimin e anëtarëve të flotiljes së ndihmës humanitare. Aktivistët dhe qytetarët përsëri brohoritën kërkesa për presion më të madh ndërkombëtar ndaj kryeministrit izraelit Benjamin Netanyahu, duke kërkuar fundin e dhunës dhe bllokadës kundër Palestinës. /tesheshi.com/
