Ministri i Punëve të Brendshme, Xhelal Sveçla, në panelin për politikat e mbrojtjes dhe sigurisë të organizuar nga Lëvizja Vetëvendosje ndërsa ka folur për ndërtimin e nënstacionit policor në veri, pretendoi se derisa po shikonin shpronësimin e perimetrit të sigurisë të stacionit policor, kanë parë se pronarë të parcelës figuronin biznesmeni serb i sanksionuari nga SHBA-ja Zvonko Veselinoviqi e biznesmenët kosovarë Bujar Musa e Akan Ismaili (ky i fundit ka qenë edhe ish-ambasador në Shtetet e Bashkuara të Amerikës) dhe gazetari Berat Buzhala.
E ky i fundit, Berat Buzhala u shpreh se në platformën E-Kosova vërtetohet se “nuk ka pronë” në veri të Mitrovicës.
“Krejt çka kam në emër timin është në Prishtinë. Në Çabiq kam pronësi bashkësi familjare”, vijoi Buzhala.
“Sot kam angazhuar Besnik Berishën, avokatin tim. Brenda javës do të dorëzohet padia. Nuk është kësi premtimi që thuhet e s’bahet kurrë. Ka me pas padi për Xhelalin”, deklaroi Berat Buzhala pas deklarimeve të ministrit të Punëve të Brendshme, Xhelal Sveçla.
Buzhala u shpreh se ministri Sveçla është “sherr-budallë”, pas deklarimeve të tij.
Gazetari tha se statusi i tij “Rreth gurthyesit dhe jo vetëm”, ka qenë një status si përgjigje ndaj ish-presidentit Haxhim Thaçi.
“Jam shtyrë me ish-presidentin, e jo me Xhelal Sveçlën”.
Buzhala deklaroi se “kurrë nuk ka pasur tokë as në veri por as nuk ka qenë në ortak”. Ai përmendi edhe disa prej aferave të publikuara nga Nacionale për akterët politik, të fundit qoftë atë për rezervat shtetërore por edhe bisedat e Mimoza Kusari-Lilat dhe kryeterroristit, Milan Radoiçiqit.
“Kjo temë u përmend nga Gani Geci në 2009. U nis një gurthyes në veri. Bujar Musa dhe Akan Ismaili e kanë themeluar IPKO-n në Kosovë. Aksionar minor tek IPKO. Kur Albright dhe Obrien kanë blerë tokë në veri, pjesën e gurthyesit 2008, 5 % e tokes në veri me ARBK-në kam largu, dhe nuk kam dashur të marrë token. Nuk kam kurrë hiq. Në gusht të 2009. As nuk kam jap pare as nuk kam marrë. Nuk ka prone në veri dhe kurrë nuk kam qenë ortak me Veselinoviqin. Kurrë se kam takuar Veselinoviqin. Kjo është tema sikur vrasjet e LDK-së, herë e përmendet nga njëra anë herë tjetra. Aktualisht po e përdorë Lëvizja Vetëvendosje. Edhe zgjedhjet e kaluara e kanë përmendur. Janë nga tuten se kanë me iu dalë përgjimet tjera me Milan Radoiçiq. Nuk ka fol Berati me Millanin, ka fol Mimoza. Ka mundësi që dalin edhe biseda të tjera. Kanë folur edhe tema qoftë rryma në veri, ligjin për veteran, pagën minimale. Berat Buzhala e ka pru temën e rezervave shtetërore. Ka pru temën e Milan Radoiçiqit dhe Mimoza Kusari Lilat. Hekuran Murati ka qenë drejtor i financave në kompani tim”, vijoi Buzhala.
