Blendi Ganiu, ylli i ri nga Çairi, po tërheq gjithnjë e më shumë vëmendjen me paraqitjet e tij të shkëlqyera në futboll. Në ndeshjen e fundit të FC Shkupit U17, Blendi realizoi dy gola të jashtëzakonshëm kundër moshatarëve të Rabotniçkit, duke ndihmuar skuadrën e tij të shënojë fitore dramatike 4:3.
Përveç performancave të tij në ekipin e të rinjve, Blendi është edhe pjesë e përfaqësueses U17 të Maqedonisë së Veriut. Me ritmin e tij të përparimit, ai pritet të shndërrohet në një super futbollist për të cilin do të flitet për shumë vite.
Blendi vjen nga një familje me traditë sportive. Gjyshi i tij, Sami Ganiu, ka qenë një trajner i shquar i grupmoshave të reja, ndërsa babai i tij, Visar Ganiu – aktualisht kryetar i Komunës së Çairit – ka pasur një rol të rëndësishëm në drejtimin e FC Shkupit si trajner i skuadrës së parë vite më parë.
Ky talent premtues është një emër për t’u ndjekur në të ardhmen, duke përfaqësuar krenarinë e Çairit dhe futbollit të Maqedonisë së Veriut.
