Ministrja gjermane e Punëve të Jashtme, Analena Berbok, thotë se përderisa Bashkimi Evropian vendos unanimisht, Maqedonia duhet të respektojë kompromiset dhe të fusë bullgarët në kushtetutë për të filluar negociatat për anëtarësim në BE.
Sipas Berbok, në këtë rast nuk bëhet fjalë për padrejtësi, por për respektimin e rregullave të BE-së, ndonëse ajo vetë thotë se është pro heqjes së parimit të unanimitet në BE, veçanërisht në fushën e zgjerimit.
“Rregullat në BE janë të tilla, vendosen unanimisht dhe këtu nuk bëhet fjalë për ndonjë padrejtësi. Ne nuk jemi dakord me partnerët tanë evropianë për gjithçka, por këto janë rregullat. Përderisa nuk ndryshohen ato rregulla, për të cilat unë personalisht qëndroj, ato duhet të respektohen”, njoftoi Berbok nga një konferencë për media pas takimit me kolegun maqedonas Timço Mutsunski pas samitit të Procesit të Berlinit në Berlin.
Ministrja gjermane i tha Mucunskit se përfshirja e pakicës bullgare në kushtetutë është hapi i fundit për hapjen e grupit të parë negociator me BE-në.
