Behar Emini nga Alternativa zyrtarisht pranon postin e drejtorit të Fondit për Sigurimin e Depozitave

Behar Emini nga partia Alternativa, ka pranuar sot edhe zyrtarisht postin e drejtorit të Fondit për Sigurimin e Depozitave.
Emini shkruan se do të punojë me përkushtim për të siguruar një sistem të qëndrueshëm dhe të besueshëm financiar për të gjithë qytetarët.
“Të nderuar qytetarë, aktivistë dhe votues të koalicionit VLEN,
Sot, me krenari dhe ndjenjë të thellë përgjegjësie, pranova zyrtarisht detyrën si Drejtor i Fondit për Sigurimin e Depozitave nga drejtori paraprak, z. Amir Shabani. Ky është një moment i rëndësishëm për mua, dhe një sfidë që e pranoj me vendosmëri të plotë për t’u shërbyer qytetarëve tanë me përgjegjësi, nder dhe përkushtim.
Jam i përkushtuar që ta udhëheq këtë institucion me integritet dhe transparencë, për të siguruar një sistem të qëndrueshëm dhe të besueshëm financiar për të gjithë qytetarët.
Na priftë e mbara në këtë rrugëtim të ri drejt arritjeve dhe sukseseve të përbashkëta!
Me respekt,
Behar Emini”, ka shkruar Emini.