Bashkimi Evropian (BE) përshëndeti vendimin e Koresë së Jugut për të hequr ligjin ushtarak, transmeton Anadolu.
“BE-ja mirëpret heqjen e ligjit ushtarak emergjent pasi Asambleja Kombëtare votoi për ta refuzuar atë”, tha Shërbimi Evropian i Veprimit të Jashtëm në një deklaratë të shkurtër.
“Ne riafirmojmë partneritetin tonë të ngushtë strategjik me Republikën e Koresë, të bazuar në interesat e përbashkëta dhe vlerat e përbashkëta të demokracisë, të drejtave të njeriut dhe shtetit të së drejtës”, theksohet më tej.
Presidenti Yoon Suk Yeol shpalli gjendjen ushtarake në një transmetim kombëtar të paplanifikuar vonë të martën, duke thënë se ai duhej të pastronte Korenë e Jugut nga “forcat antishtetërore” dhe simpatizantë të Koresë së Veriut. Por ai u tërhoq disa orë më vonë, duke hequr urdhrin pasi u refuzua nga Asambleja Kombëtare e kontrolluar nga opozita.
