Kryetari i Bashkimit Demokratik për Integrim, Ali Ahmeti, ka pritur sot në selinë e partisë në Tetovë, Ambasadorin e Bulgarisë në Shkup, Angel Angelov.
Përmes kumtesës së lëshuar pas këtij takimi, BDI ka treguar se çfarë aktivitete do të ndërmer kjo parti dhe Fronti Evropian nga shtatori për “mbrojtjen e legjitimitetit”, shkruan lideri.mk, duke i definuar për momentin si “takime me qytetarë”.
“Gjithashtu, z. Ahmeti foli për aktivitetet që do ti ndërmerr BDI dhe Fronti Europian në mbrojtje të legjitimitetit që nga muaji shtator në takime me qytetarë”, thuhet mes tjerash në komunikatë, të cilën në vazhdim e sjellim të plotë:
Kryetari i Bashkimit Demokratik për Integrim, Ali Ahmeti, ka pritur sot në selinë e partisë në Tetovë, Ambasadorin e Bulgarisë në Shkup, Angel Angelov.
Bashkëbiseduesit këmbyen mendime rreth Korridorit 8, rrugor dhe hekurudhor, ndryshimet kushtetuese, Marrëveshjeve kyçe të shtetit, atë të Ohrit, të Prespës dhe të fqinjësisë së mirë me Bulgarinë, integrimin europian, sankcionimin e legjitimitetit zgjedhor, etj.
Kryetari Ahmeti fillimisht e spjegoi frymën e Marrëveshjes së Ohrit duke njoftuar Ambasadorin mbi draft platformën për legjitimitet të përgaditur nga autori i Marrëveshjes së Ohrit Paul Williams dhe PILPG, si dhe opinionet e ekspertëve vendor.
Njëkohësisht, Ahmeti theksoi që BDI është parti shtetformuese andaj dhe sajesat inekzistente të Kryeministrit Mickovski për skenare për destabilizim janë të pavërteta dhe paraqesin skenare të qëllimshme dhe të rrezikshme qeveritare për fajësim të të tjerëve me qëllim të defokusimit të opinionit nga mungesa e rezultateve dhe skandaleve të përditshme të qeverisë.
BDI e ka dëshmuar kontributin për stabilitet dhe siguri dhe kundërshton çdo tentativë inskenuese politike për destabilizim dhe fton shqiptarët dhe të tjerët mos të biejnë pre e provokimeve të qeverisë pa legjitimitet etnik.
Gjithashtu, z. Ahmeti foli për aktivitetet që do ti ndërmerr BDI dhe Fronti Europian në mbrojtje të legjitimitetit që nga muaji shtator në takime me qytetarë.
Ahmeti përkujtoi premtimin e humbësve të zgjedhjeve për ndryshime kushtetuese për 6 muaj dhe tha që BDI mbetet e përkushtuar për integrim Europian.
Bashkëbiseduesit u dakorduan që korridori 8 është prioritet rajonal dhe euro-amerikan andaj dhe Qeveria duhet ti vijoj projektet e lidhjes rrugore dhe hekurudhore pa asnjë vonesë.
