-Ministri i Shëndetësisë Fatmir Mexhiti tha se drejtorët e BDI-së pranë QKU “Nënë Tereza” sot nuk kanë ardhur në punë dhe kanë hapur pushim mjekësor nga frika se mund të shkarkohen për hakmarrje nga po i njëjti Ministri i Shëndetësisë Mexhiti. Ne kemi ardhur këtu për të parë se realisht a janë në vendet e punës drejtorët e BDI-së.
BDI “sëmur”/ Drejtorët e klinikave marrin pushim mjekësor nga frika se mund t’i shkarkonte Mexhiti
Kontrolluam disa nga Klinikat me të cilat udhëheqin drejtorë nga radhët e BDI-së dhe hasëm në dyer të mbyllura. Të punësuarit na thanë se drejtorët janë ftohur.
-Nuk është në punë dhe nuk do të vij as nesër.
-Nuk është në punë?
-Sot dhe nesër më tha se nuk do të vij, është ftohur, nuk do të qëndrojë gjatë por më tha se do te merr disa ditë pushim.- thanë nga KLINIKA E REUMATOLOGJISË.
Diçka nuk ishte mirë mendoj se nuk është në punë, më mirë kërkojeni pas të martës.
Nuk është.
As nesër nuk vjen?
Mendoj se është i sëmurë nuk e di, kjo është sekretaresha e tij.- u përgjigjën nga KLINIKA E TRAUMATOLOGJISË – QENDRA URGJENTE.
-Këtu kemi mbledhje, lëreni numrin e telefonit. A do të vijë sot ose… lëreni numrin e telefonit kur të mundet ju thërret.
-Dje a ishte në punë?
-Lëre numrin e telefonit ju thërret.- thanë nga KLINIKA E PULMOLOGJISË DHE ALERGOLOGJISË.
-Nuk është këtu iku drejtoresha, ejani nesër në mëngjes rreth orës 10.
-Nesër do të vijë?
-Nuk mund të ju them nëse vjen, vjen në ora 10.- pohuan nga INSTITUTI I KLINIKËS SË BIOKIMISË.
Ministri i Shëndetësisë Mexhiti thotë se Artan Grubi u ka thënë drejtorëve që të marrin pushim, që të mos mund t’i shkarkojë, por sipas Mexhitit këto janë spekulime, sepse siç u shpreh, Aleanca e Arben Taravarit nuk merret me hakmarrje sikurse BDI.
“Këto mesazhe që i shpërndan Artan Grubi te drejtorët e BDI-së, unë nuk i quaj drejtorë të BDI-së por i quaj drejtorë të Ministrisë së Shëndetësisë. U apeloj të gjithë drejtorëve që të rrinë rehat se ata janë drejtor të mi edhe pushim mjekësor merret kur vërtet një person është i sëmurë, kjo është vërtet keqpërdorim që së paku nuk duhet ta bëjnë menaxherët e institucioneve shëndetësore publike.”- deklaroi Fatmir Mexhiti – Ministër i Shëndetësisë.
Përndryshe zërat për shkarkime të mundshme të drejtorëve erdhën pasi u morr vesh se ASH kërkoi shkarkimin e ministrit të shëndetësisë Mexhiti. Tashmë shkarkimi i Mexhitit është në Kuvend, ku për nesër është thirrur seanca për shkarkim, e deri në atë moment, me shumë gjasa drejtorët e klinikave do të jenë “të sëmurë”.
