Dega e BDI-së në Saraj ka reaguar me tone të ashpra pas vendimit për të mos e kandiduar kryetarin aktual të komunës, Iljaz Veselin, duke e cilësuar këtë veprim si zhgënjues dhe të padrejtë për aktivistët e degës më të fuqishme të partisë.
“Na fal kryetar! Ti ishe më meritori për një mandat të plotë 4-vjeçar! U thyen 10.000 votues. Respekte Ali Ahmeti, por gabove shumë me Sarajin. Saraji, dega më e fuqishme në BDI, ua thyet zemrat gjithë aktivistëve që në çdo cikël ju kanë nxjerrë fitimtar”, thuhet në reagim.
Në postim shprehet edhe pakënaqësi për kandidimin e Blerant Ramadanit nga radhët e Aleancës për Shqiptarët, duke theksuar se “aktivisti i vërtetë do të flasë në tetor”.
