Shkup, 31 maj – BDI dhe LSDM dy partnerët e qeverisjes së fundit kishin krijuar një harmoni dhe gjuhë mirëkuptuese e rehati në qeveri saqë askush nuk ia prishte tymin, por që gjithë gjërat si ato të mirat si ato jo të mira një ditë përfundojnë. Prandaj, zgjedhjet e vitit 2024 ishin ato që i dhanë fund aventurave të pushtetit këtyre dy partive, BDI-së dhe LSDM-së. A kanë bërë mirë për vendin sigurisht që ka pasur hapësirë për të bërë edhe më shumë edhe më mirë, a kanë bërë keq kjo është çështje që e kanë përgjegjësi ta hetojnë e argumentojnë organet hetuese me fakte dhe argumente konkrete dhe jo vetëm me akuza paushalle. Megjithatë, tanin është momenti që këto parti të reflektojnë përmes reformave të thella brenda partiake, LSDM e ka filluar menjëherë këtë rrugë, BDI sa më parë që e ndjek LSDM-në aq më shpejt shpëton nga komplekset e shkuarjes në opozitë, shkruan Zhurnal.
LSDM filloi me reforma të menjëhershme pas humbjes së thellë –
Në LSDM sot fillon procedura për zgjedhje të jashtëzakonshme brenda partisë për kryetar të ri të partisë. Për më 9 qershor, e diel, është caktuar Kongresi, në të cilin do të analizohen arsyet e rezultatit të zgjedhjeve, ndërsa Këshilli Qendror i partisë ka propozuar edhe ndryshime në Statutin e partisë në mënyrë që mandati i kryetarit të zgjedhur në mënyrë të jashtëzakonshme brenda partisë të jetë katër vjet.
Zyrtarisht deri më tani nuk ka të paraqitur, por për disa anëtarë të partisë dihet se mund të kandidohen. Sllavjanka Petrovska, deputete dhe ministre e Mbrojtjes, ka konfirmuar se do të kandidohet për kryetare, ndërsa ambicie të tilla në opinion ka shfaqur edhe Stefan Bogoevi, drejtor aktual i Drejtorisë Doganore, por ai nuk ka konfirmuar se do të kandidohet. Kandidatë të mundshëm mund të jenë edhe Jovo Despotovski, drejtor i ZZHIT dhe ish-ministri i Shëndetësisë Venko Filipçe
LSDM-ja sot njoftoi se Këshilli Qendror i partisë në mbledhjen e djeshme ka miratuar Rregulloren për kriteret, mënyrën dhe procedurën për kandidimin dhe zgjedhjen e kryetarit për zgjedhjet e jashtëzakonshme, si dhe Rregulloren për mënyrën dhe procedurën e regjistrimit aktiv për anëtarët e LSDM-së.
BDI duhet ta ndjek shembullin e LSDM-së mos të merret me imagjinata duhet ta pranojnë realitetin –
Bashkimi Demokratik për Integrim e njohur si partia më jetë gjatë në pushtet jo vetëm në vend por edhe në rajon që për çudi rekord kohë në pushtet që ia tejkalon shumë vendeve dhe shumë partive. Por, edhe kësaj aventure i erdhi fundi, qeveria e re po bëhet pa BDI-në dhe kjo nuk është as tragjike e as jo legjitime. Gjithçka në suaza të marrëveshjeve politike.
BDI e ka të vështirë të pranojë faktin që do të ngelet në opozitë prandaj përmes metodave të ndryshme po tentojnë të zvarrisin procesin e shkuarjes në opozitë. E krejt këtë po tentojnë ta bëjnë përmes thirrjes në legjitimitet të votës shqiptare, pa çka se këto burojnë nga një koalicion me koncept qytetarë dhe jo etnik.
Sido që të jetë BDI sa më parë që ndjek shembullin e LSDM-së që t’i futet reformave të thella dhe rrënjësore aq më mirë bënë. BDI ka nevojë për reforma thelbësore për të parë shkaktarët e rezultatit jo të kënaqshëm që kanë arritur në zgjedhjet e fundit. BDI duhet të detektojë gabimet e tyre dhe aty të bëjnë korrigjime.
Ndryshimet e kuadrove dhe figurave partiake është puna më e vogël që duhet ta bëjë kjo parti, qytetarët nuk harrojnë. Parti e dalë nga lufta u shndërrua në parti të gjelbër e parti qytetare ndryshimet në vija ideologjike pa kurrfarë pengese shumë lehtësisht vetëm për të sjellë diçka të re këto janë gabime konceptuale që ka bërë kjo parti. Se kjo ndryshe shihet si parti jo konzistente në qëndrime dhe sikurse nënvlerësim ndaj qytetarit.
Nga ana tjetër, BDI gjatë këtyre viteve nuk kanë qenë shumë e fuqishme por përballë ka pasur një opozitë lehtë të kontrollueshme të shkapërderdhur dhe të përçarë. Sot, ky realitet ka ndryshuar formë dhe kuptim kampi shqiptarë është më mirë se asnjëherë më parë. Partitë në pushtet në kuadër të koalicionit VLEN pritet të shkrihen në një ose më së shumti dy parti politike për ta ruajtur gjenezën e ndryshimit.
Ndërkaq, partitë që shkojnë në opozitë e kanë kohën, mundësin, e më shumë se kaq nevojën për të bërë ndryshime drastike, reforma rrënjësore për të rifreskuar partinë me fytyra të reja dhe për ta bërë një opozitë konstruktive ashtu siç i ka hije korrigjuese të pushtetit. /Zhurnal.mk
