Barcelona e Hansi Flickut po e vazhdon formën fantastike në edicionin e ri.
Pas fitoreve ndaj Valencias, Athletic Bilbaos dhe Rayo Vallecanos me rezultatin identik, 2:1, skuadra nga Katalonja të shtunën fitoi 7:0 ndaj Real Valladolidit, në ndeshjen e xhiros së katërt të La Ligas.
Raphinha realizoi “hat-trick”, ndërsa me nga një gol në fitoren e thellë kontribuuan Robert Lewandowski, Jules Kounde, Dani Olmo dhe Ferran Torres.
Raphinha, Lewandowski e Kounde shënuan në pjesën e parë.
Në minutën e 64-t dhe të 72-të, Raphinha e kompletoi tregolëshin, ndërsa Olmo dhe Torres shënuan në minutën e 83-të dhe të 85-të.
Barça kryeson në tabelë me 12 pikë nga katër ndeshjet e para.
Valladolidi mbetet me katër pikë.
