Tragjedia e Koçanit me 59 viktima po nxjerr në pah jo vetëm përgjegjësinë e të akuzuarve, por edhe ata që rreshtohen në mbrojtje të tyre. Dhe ja ku del në skenë një skandal i ri: Kreshnik Bekteshin e mbrojnë avokatët e regjimit të Gruevskit!
Në paraburgim për një nga rastet më të rënda, ish-ministri i BDI-së nuk e kërkoi ndihmën e atyre që thirren në mbrojtjen e shqiptarëve. Jo! Ai iu dorëzua pikërisht Anita Begovës dhe Elenko Millanovit, avokatëve që kanë mbrojtur njerëzit e errët të këtij shteti – nga Sasho Mijallkovi e deri te Dragan Pavlloviq – Llatas.
Një shqiptar në pranga, por avokatët që e mbrojnë janë të njëjtët që për vite kanë mbrojtur mafien politike maqedonase!
Fakti që Bekteshin e mbrojnë avokatët e regjimit të Gruevskit nuk është rastësi, por provë e qartë se kush me kë ka bashkëpunuar gjithë këto vite.
Në momentin e krizës, BDI-ja nuk thërret në ndihmë ata që dikur betohej se mbrojnë shqiptarët, por aleatët e vjetër të mafies shtetërore. Kjo tregon se pas fasadës së patriotizmit, BDI-ja ka qenë gjithmonë pjesë e sistemit të korruptuar që shqiptarët i ka përdorur vetëm për vota!
Bekteshi është veçse një hallkë në zinxhirin e sistemit të vjetër të lidhjeve të pista, ku politika, drejtësia dhe mafia kanë bashkëjetuar për vite të tëra. Pyetja nuk është vetëm kush po e mbron, por pse po e bëjnë? Dhe mbi të gjitha, çfarë na tregon kjo për aleancat e vjetra që gjithmonë kanë punuar kundër interesit të shqiptarëve?
